ആസിഫ് അലി എത്തുന്നു അഞ്ച് വ്യത്യസ്ത ഭാവങ്ങളിൽ

ഒരു ചെറുപ്പക്കാരന്റെ ഏഴു വയസുമുതൽ മുപ്പത്തിരണ്ട് വയസുവരെ ഉള്ള ജീവിതത്തിലെ ഏടുകൾ പശ്ചാത്തലമാക്കുന്ന ചിത്രമാണ് മന്ദാരം. ആസിഫ് അലിയാണ്(Asif Ali) ചിത്രത്തിലെ നായകൻ. ചിത്രത്തിനുവേണ്ടി അഞ്ച് വ്യത്യസ്ത ഭാവങ്ങളിൽ എത്തുന്നതിന് കഠിന പരിശീലനത്തിലാണ് കക്ഷി. പൂർണ്ണമായും മന്ദാരം ഒരു പ്രണയ ചിത്രമാണ്. എന്നിരുന്നാലും സാധാരണ ഒരു മരംചുറ്റി പ്രേമത്തിൽനിന്നും വ്യത്യസ്തമായി, എങ്ങനെയാണ് മാതാപിതാക്കളും കുടുംബക്കാരും കൂട്ടുകാരും ഒരു പ്രേമത്തിൽ ഭാഗമാകുന്നത്‌ എന്നതിനെ രസകരമായ രീതിയിൽ ചിത്രം അവതരിപ്പിക്കുന്നു. അച്ഛൻ - മകൻ ബന്ധം ആണ് ചിത്രത്തിന്റെ മറ്റൊരു പ്രധാനപ്പെട്ട വശം. മന്ദാരം എന്ന പൂവിന് ചിത്രത്തിൽ ഒരു വലിയ പ്രാധാന്യം ഉണ്ട്. അതുതന്നെയാണ് ചിത്രത്തിന് മന്ദാരം എന്ന പേര് ഇടാനും കാരണം. ചിത്രത്തിൽ രണ്ട് നായികമാരാണ് ഉള്ളത്. അതിൽ ഒന്ന് പ്രേമം(Premam), കിംഗ് ലയർ(King Liar) എന്നീ ചിത്രങ്ങളിലൂടെ മലയാളികളുടെ പ്രിയതാരമായിമാറിയ മഡോണ സെബാസ്റ്റ്യൻ(Madonna Sebastian) ആണ്. മറ്റൊരു നായിക ആരെന്നറിയാൻ ഇനിയും കാത്തിരിക്കേണ്ടിവരും. തൃശൂർ, എറണാകുളം, വാഗമൺ, പോണ്ടിച്ചേരി, കൊൽക്കത്ത മുതലായ സ്ഥലങ്ങളാണ് ചിത്രത്തിന്റെ ലൊക്കേഷൻ.

കൂടുതൽ സിനിമ വിശേഷങ്ങൾക്കായി കുപ്പിമീഡിയ മലയാളം ഫേസ്ബുക് പേജ് ലൈക് ചെയ്യൂ.