ലോകത്ത്‌ ഏറ്റവും കൂടുതൽ പാട്ടുകൾ പാടിയിട്ടുള്ള ഗായകൻ/ഗായിക ആരാണ്?

ഏതെങ്കിലും ഒരു ഭാഷയിലെയോ അല്ലെങ്കിൽ രാജ്യത്തിലെയോ ഏറ്റവും കൂടുതൽ പാട്ടുകൾ പാടിയ വ്യക്തിയെ അല്ല, ലോകത്തിലെതന്നെ ഏറ്റവും കൂടുതൽ പാട്ടുകൾ പാടിയിട്ടുള്ള വ്യക്തി ആരെന്നാണ് നമ്മൾ പരിശോധിക്കുന്നത്.

ഗിന്നസ് വേൾഡ് റെക്കോർഡ് പ്രകാരം ആ വ്യക്തി ഇപ്പഴും പി ശുശീല മോഹൻ തന്നെയാണ്. എന്നാൽ ഇതൊരു തർക്കവിഷയം ആകുന്നത് മറ്റുപല ഗായകരുടെയും നിലവിലെ ഗാനങ്ങളുടെ എണ്ണം പരിശോധിക്കുമ്പോഴാണ്. പി ശുശീലയുടെ റെക്കോർഡ് നമ്പർ 17,695ൽ നിൽക്കുമ്പോൾ 1991ൽ ലത മങ്കേഷ്‌കർ എന്ന ഗായികയുടെ റെക്കോർഡ് 30,000 കടന്നു. 

അതിന് ശേഷം S P ബാലസുബ്രഹ്മണ്യം, S ജാനകി എന്നിവർ ഏകദേശം 50,000 പാട്ടുകൾ പാടിയെങ്കിലും. ഏറ്റവും കൂടുതൽ പാട്ടുകൾ പാടിയ ഗായകൻ എന്ന പേര് ഇപ്പഴും ഉള്ളത് മലയാളിയായ നമ്മുടെ ദാസേട്ടനുതന്നെയാണ്. അദ്ദേഹം പാടിക്കൂട്ടിയത് 60,000-ത്തിൽ കൂടുതൽ ഗാനങ്ങൾ ആണെന്നുള്ളത് ഒരു അത്ഭുതമായിത്തോന്നിയേക്കാം. എന്നാൽ ചില റെക്കോർഡുകൾ പറയുന്നത് അദ്ദേഹം പാടിയ ഗാനങ്ങളുടെ എണ്ണം 80,000 കവിഞ്ഞു എന്നാണ്. എന്തായാലും ലോക റെക്കോർഡിന് 60,000'തന്നെ ധാരാളം എന്നിരിക്കെയാണ് അദ്ദേഹം ഇനിയും ആർക്കും അത്ര എളുപ്പം എത്തിപ്പിടിക്കാൻ സാധ്യത ഇല്ലാത്ത 80,000 എന്ന സംഖ്യയിലേക്ക് എത്തിയത്. ഇപ്പഴും ആ നമ്പർ കൂടിക്കൊണ്ടേയിരിക്കുന്നു എന്നതും ആകാംഷാഭരിതം.

ദാസേട്ടന്റെ പേരിലുള്ള മറ്റുപല റെക്കോർഡുകളും ലോക റെക്കോർഡുകൾതന്നെയാണ്. ആസ്സാമീസ്, കാശ്മീരി എന്നീ രണ്ട് ഭാഷകൾ ഒഴികെ ബാക്കി 22 ഇന്ത്യൻ ഭാഷകളിലും അദ്ദേഹം പാടിയിട്ടുണ്ട്. കൂടാതെ സംസ്‌കൃതം, റഷ്യൻ, അറബിക്, മലൈ, ഇംഗ്ലീഷ്, ലാറ്റിൻ ഭാഷകളിലും അദ്ദേഹം ഗാനങ്ങൾ ആലപിച്ചിട്ടുണ്ട്. ലോകത്തിൽ വേറൊരു ഗായകനും ഇത്രയും ഭാഷകളിൽ പാടിയിട്ടുണ്ടാവില്ല. 

ദേശീയ അവാർഡ് 8 തവണ ലഭിച്ച വേറൊരു ഗായകനും ഭാരതത്തിന്റെ ചരിത്രത്തിൽ ഉണ്ടായിട്ടില്ല. നല്ല ഗായകനുള്ള കേരള സംസ്ഥാന അവാർഡ് 25 തവണ കരസ്ഥമാക്കിയ ഒരേ ഒരു ഗായകനും ദാസേട്ടനാണ്. തൊട്ടുപിന്നിലുള്ള പി ജയചന്ദ്രൻ ഈ അംഗീകാരം 5 തവണയാണ് നേടിയിട്ടുള്ളത് എന്നറിയുമ്പോഴാണ് ഒരു ഞെട്ടൽ തോന്നുക. നല്ല ഗായകനുള്ള തമിഴ്‌നാട് സംസ്ഥാന അവാർഡും ഏറ്റവും കൂടുതൽ തവണ വാങ്ങിയിട്ടുള്ളത് ദാസേട്ടനാണ്. 5 തവണ.

ഇത്രയും വലിയ ലോകോത്തര നേട്ടങ്ങൾ കൈവരിച്ച വ്യക്തി ഒരു ഇന്ത്യാക്കാരൻ എന്നതിലും ഉപരി മലയാളിയായ നമ്മുടെ ദാസേട്ടൻ ആണെന്ന് അറിയുമ്പോൾ അഭിമാനം തോന്നുന്നില്ലേ?

ഫോളോ ചെയ്യുക